عجينة الشباكية ناجحة

 عجينة الشباكية ناجحة 100/100.

المقادير:

كيلو دقيق ابيض ،1 بكية الخميرة ديال الحلويات ،كاس ديال العنبة اللوز بقشورو صهديه واحد شوية و طحنيه مزيان حتى أولي عجينة  ، نفس الكأس الجنجلان حتى هو صهديه و طحنيه مزيان حتى اتعجن  ،نفس الكأس  ديال الزيت مخلطة العود و العادي، نفس الكأس ديال الزبدة دائبة ، ربع نفس الكأس ديال الخل ، نفس الكأس ديال ماء الزهر لي رقتي فيه  شوية ديال الزعفران شعرة ،نفس الكاس ديال الماء ،ملعقة القرفة ،2ملاعق النافع، ملعقة حبة حلاوة، شوية مسكة حرة مدقوقة مع شوية ديال الملحة ، صفر بيضة واحدة.

طريقةالتحضير:

نخلط جميع المكونات خص  العجينة تكون شادة  راسها ما قاسحة ما رطبة وندلكها مزيان  ونقسمها كويرات متوسطة الحجم  ناخد الكويرة الاولى ندلكها بالدلاك سرحيها على شكل مستطيل وطويها بحال عجينة المورقة.  كرري العملية 2 ديال المرات وحطيها في بلاستيك غداءي ، خودي الكورة الثانية وكرري معاها نفس العملية و حطيها في البلاستيك الغذائي حتى  تكملي الكرات كلهم  خليهم ارتاحوا واحد نصف ساعة.  من بعد خودي العجينة الاولى و  دلكيها بالدلاك سرحيها مزيان حتى تبان اديك من اوراها يعني رقيقة   ومن بعد قطعيها مربعات كل مربع  قطعيه من الداخل على 5 اشرطة و شبكيهم مع بعض. على شكل وردة خليهم ارتاحوا  الوقت لي تسخني الزيت وبداي تقليهم.  في الزيت لي سخنتي  مزيان  ولكن. ملي تحطي فيها الشباكية غدي تنقصي للعافية باش تطيب ليك العجينة  من الداخل ملي اتحمروا ديريهم في العسل ثم دردري عليهم. الجنجلان وبالصحة و الراحة.،