سردين بحشوة البطاطس والفرماج
طريقة التحضير:
كناخدو السردين نقيوه ونزولو ليه السلسول ديالو ونغسلوه بالماء ونخليوه إتسقطر
نوجدو ليه الشرمولة ديالو شوية ابزار كامون تحميرة حامض اللب ديال الحامض المصير شوية القزبور ومعدنوس مقطعين او يابسين شوية الثومة محكوكة وشوية الزعطر محكوك بيدينا
ناخدو البطاطس نسلقها فالماء من بعد نزولو ليها القشرة ديالها ونمعسها مزيان بلفورشيط ونديرو ليها شوية ملح ابزار كامون زيتون مقطع طريفات رقاق ونخلطو كولشي مزيان بشوية الزيت البلدية
ناخدو كل سردينة نديرو فوق منها حشوة الحوت هي الأولى عاد حشوة البطاطس وشوية الفرماج الأحمر او المثلث ونسدو بسردينة اخرى ونمرمدهم فشوية السميدة الرقيقة او دقيق الفينو
ندهنو الطاوة بالزيت ونستفو فيها السردين ونديرو شوية الزيت البلدية عليه ونزوقو بالحامض من الجناب وندخلوه للفرن ايكون ساخن باش إطيب
وبالصحة والراحة
ليست هناك تعليقات:
إرسال تعليق